“Монсудар” хэвлэлийн газраас эрхлэн гаргасан “Монголчууд” ботийн эхний цуврал номноос бэлтгэн хүргэж байгаа “Монголчууд XX зууны эхэнд” нэвтрүүлгийг Боловсрол ТВ-р 2019.01.12 буюу Бямба гаригийн 01.00 цагаас үзээрэй. Энэ нэвтрүүлэг нь кино боловсрол олгох хөтөлбөрийн дагуу хийгджээ. Монголын түүхийн хувьд XX зууны он жилүүд асар их өөрчлөлт, зөрчил, тэмцэл, шинэчлэл, дэвшлийг агуулсан он жилүүд байсан. 100 гаруй жилийн тэртээ монголчууд бид юу идэж, ууж, өмсөж, хэрэглэж, ямар гэрт амьдарч, энэ ертөнцийн хүмүүсийн амьдралыг хэрхэн ойлгож, нүүдэлчин уламжлал, удам угсаа, соёлоо хэрхэн хадгалж байсныг цуврал хэлбэрээр үзүүлдэг. Мөн XX зууны эхээр 200 гаруй жил Манжийн эрхшээл дор “Мөхөж буй үндэстэн” хэмээгдэж байсан Монголчууд хэрхэн тусгаар тогтнож, сэргээн төвхнүүлж байсан үйл явдлыг тодорхой харуулах болно. Энэ нэвтрүүлгээр та монгол хүний авхаалж самбаа, эелдэг сайхан сэтгэлийг, гадаадынхан хэрхэн үнэлсэн хийгээд, эх болсон байгаль дэлхийгээ хайрладаг, хүнлэг, энэрэнгүй нүүдэлчин түмний эгэл амьдралын үнэн төрхийг харах болно.
No comments:
Post a Comment